Sergio Ramos do të mungojë ndaj Lens për shkak të problemeve muskulare

16:24 | 3 Dhjetor 2021
Lorik Gerbeshi

Paris Saint-Germain ka njoftuar të premten se mbrojtësi, Sergio Ramos do të mungojë në ndeshjen e kësaj fundjave në Ligue 1 kundër Lens për shkak të problemeve muskulare.

Spanjolli, i cili kishte bërë debutimin e tij për klubin kundër Saint-Etienne – pasi mori një dëmtin në rëndë, pak para transferimit të tij në Paris – gjithashtu humbi barazimin pa gola kundër Nice në mesjavë.

Paris Saint-Germain tregon se orari i punës së qendërmbrojtësit është modifikuar, por se ai do të rikthehet në stërvitje të plotë të dielën. Ndërkohë, të dielen pritet të rikthehet edhe bashkëkombasi i tij, Ander Herrera, ndërsa mesfushori, Julian Draxler rikthehet në stërvitje pas 2-3 javësh.

Neymar po vazhdon trajtimin për dëmtimin e kyçit të këmbës dhe një grup i ri testesh javën e ardhshme do të përcaktojë sasinë e saktë të kohës për të cilën ai është jashtë fushës./Arbresh.info